Wednesday, February 23, 2005

放完新年假，終於都要返工....呢個新年假都算係一個幾好的享受~

今日去何明華會督中學度做入校活動，原來間學校係鄰近東華三院黃笏南中學喎....突然之間，好似好有親切感咁... 哈哈，因為中七果年的Phy實驗考試，係去黃笏南考嘛﹗入到何明華後，發覺間學校地方好細，L字形的校舍，一個集籃球、手球、排球於一身的籃球場...個籃球場好似元中咁呢~ Lunch time時，見到D學生去canteen食飯，令我諗返起元中的canteen，好多人坐0係度食，我仲記得以前成日都要搵位， 都係一D難忘的記憶。

睇住佢地著住校服，同阿恩傾下有關中學點滴事時，突然諗到，讀中學時，好恨快D升上大學，期待過大學生活。但到左讀大學時，又好掛住中學生活，即使日日著校服都覺得係一種享受。也許當時太細，也許當時過了很多年的學校生活，也許當時，甚至直到現在，依然嚮往大學生活，但其實，還是中學生活最使人回味、最使人期望重過生活。 時間不會回轉，但人可以選擇記下美好的片段，與友人細訴成長的趣事。