冇返工，冇寫日記。 23號家的Christmas Party在幾混亂的情況完成
，因為冇人知道邊個係in-charge，所以冇人出黎organise，只係各自發覺唔多妥，自己"ship"位。不過，總算有驚無險，雖然混亂，但都可以聚返唔同區的弟兄姊妹，俾新黎的組員認識家的其他成員。
24號冇去大專區的Christmas Party，因為25、26都出街，所以想留0係屋企，而且我仲未預備好25號的衫，唔趁呢日去買，咁就真係冇時間去買呢﹗
最後，我的收穫係一件灰色背心，hohoho....
返左屋企後，稍為休息一會後，便帶Mo Mo出街，去阿琪屋企，參加肥豪搞的Party。阿Roy、Jeffery、Vincent，Kin見到Mo Mo好興奮，因為Mo Mo實在太.....太得意啦﹗
連肥豪都話佢好好玩，Mo Mo的魅力簡真沒法擋呀﹗哈哈~~
後來帶了Mo Mo去左阿陳屋企，俾佢同Bo Bo、Co Co同Trouble玩。佢呀，簡真極興奮啦，
第一次見其他類型的寵物狗。
25號真係不斷趕、不斷趕，返去阿陳屋企湊返Mo Mo返屋企，跟住即刻沖涼、洗頭、換衫，趕住返感恩崇拜。最終......嘻.... 遲左少少
第一次見證自己教會的傳道人按立做牧師，好特別呢，會有一條紅色的帶，我諗係做牧師的都會有一條。劉牧師話呢次係我地教會第一次按立傳道人做牧師，連佢自己當時都唔係係教會度按立，好似係神召協會。
晚上的週年聚餐，都算係咁多年最好玩的一年，因為今年的頭獎係雙人來回日本機票呀
可惜，冠軍都係從我地手中溜過.....
26號返崇拜，跟住之後立即返出中心，想拎返隻串燒碟，點知....我呢個大頭蝦，竟然留低左鎖匙係自己個筆袋度....
搵阿傑，佢又同老婆係數碼港，好彩仲有Susan，匆匆係旺角拎完鎖匙後，即刻set題目，print串燒碟的曲目，唉....好景不常，同事們太有手尾，關上server的電製，差唔多成6點幾我先發現呢個問題........
唔駛講，我去到個Party已經遲到了﹗不過，呢個Party真係好好玩，我都好想邀請我的好朋友去玩，但佢地.... 都唔會去
27號朝早同Vince, Jessice, Bigger同阿昌食早餐，跟住就去探Husky，預備了一餐佢好耐都冇食過的雞肉，其實，佢可以再肥D，唉...但都唔可以要求幾多呢~
28號返工，但由於期待著31號的來臨，所以我都係....繼續Holiday mood﹗
29號開DO Meeting，雖然對面果個係Ken sir，但我都係勁恰眼目訓，嘻嘻.... 人地真係好眼目訓架﹗
放工後，去左Shopping，今次....已經無得救了，我自動自覺係今朝 (30號) ，搵人幫我保管我的credit card.... 感謝主﹗ 雖然冇得買衫，但我可以開始儲錢啦﹗(....呢個真係下下法﹗)
沒有留言:
張貼留言