今日係1月8日晚上6點47分，話咁快，我的生日開始倒數啦﹗Woo....
隨著時間的流逝，南亞世紀大海嘯不經不覺已不再是多份報紙媒體的頭條，不過，對於倖存者來說，這永遠是他們的頭條，是一個生命的轉捩點，甚麼是一個悲傷的回憶。
星期三下午，與bo bo、Yuki、銘同阿傑食飯時，從阿傑口中得知有一個無國界社工大行動，其實，自從海嘯發生後，我曾說如有機會，我也想往那兒走一趟，用我的專業知識，去幫助這些有需要的倖存者、家屬等。無奈的是，星期四便是出發的日子，我實在沒有足夠時間向上司申請，也沒足夠時間做工作交代，所以最後也沒向上司說。但我的心情卻十分差呢~
差到....上司同我講海報設計，也沒耐性聽她說，只叫她直接同我講有哪些地方建議刪去。同阿昌講起呢件事時，他叫我要學習，因為唔多尊重上司，臭脾氣喎.....
另外，晚上同阿May食飯，噢... 佢發了少少福啦，數數手指，有3年沒見，不知她會否覺得我唔同左？但總括黎講，我真係好掛住阿May呢~
今晚食飯都刻意揀左過去讀元中時算係有點常食的台灣牛肉面，遷了店位的台灣牛肉面改了名，叫台灣面，唔知係想俾人有新印象呢？
一如當年...，叫了椒鹽排骨面，很好味﹗另外，我同阿May講，我地係咪都叫碟小食，以前做學生就話無乜錢，只叫得起一碗面，但而家都出黎做野，可以叫碟小食.. (身份的唔同....呵呵
) ，最後，我地叫了海蜇加白雲鳳抓...
阿May拍拖了﹗雖然有一刻覺得好唔能夠相信，但好快，我就好八卦咁問左佢男友的資料。阿May，你泊到好碼頭呢﹗
希望你地永遠幸福快樂﹗記時到我泊返個好碼頭呢？...嘻嘻....
星期四上午，我突發雅興，用MSN同阿傑講：講樣野俾你知，想唔想知？佢根本就係中左我的陷阱﹗ 佢答：想呀，就係咁，我即刻回覆佢，同佢講：呢件事就係.....仲有16日就係我生日，哈哈﹗我簡直係勁呀﹗我諗身在SPA的佢，睇到都無奈兼好笑﹗
設計公司阿華的設計簡直係好呀，雖然阿威話普普通通，但至少我欣賞佢可以一take過搞掂個設計，我好鐘意﹗第二佢的工作態度良好，有責任感，合作都算愉快，希望將來有機會再合作吧﹗
沒有留言:
張貼留言