Monday, January 24, 2005

今日係1月24日，我的生日已經過左兩日... 數數手指，今年我仲未收到阿昌送俾我的生日禮物﹗往年佢好快送俾我，但今年就...... 除此之外，我亦都未收到肥豪佢地送俾我的生日禮物﹗﹗ 佢地都正一鯊膽啦﹗今晚我要食餐勁﹗﹗ 你地記住快些送返禮物俾我呀﹗我好期待呀﹗﹗

不過，今年最令我驚訝的是.....我收到好多祝賀我生日的SMS﹗Cool.... 有好多個都令我好開心﹗而最令我開心的係Vince打算send給我的SMS，因為佢用自己部手提影左一幅相，相入面佢微笑住啦，同埋手持一張白紙，寫住：「Cherry: 生日快樂﹗Vince」。由於呢個係圖像訊息，佢亦都打左幾隻字：「福如東海，壽比南山」.... 雖然字就....幾唔夾我，但係我睇到時，覺得最有心思就係佢啦﹗

係喎，綺雯仔今年都未有同我慶祝，梓楓兄同Jessica姊都冇同我講過一句生日快樂添......  太過份呀﹗咩2003年畢業同鄉會喎.... 唉............... 唔公平，點解上年淨係同左阿昌慶祝，今年冇我份？？

我而家要講：我期待住阿昌、綺雯、梓楓、Jessica、Vince、肥豪、吉梅、阿琪、Christin & 業、領袖、bo bo (睇得起你呀bo bo )、May、加菲、Linda、傑sir (快些補送呀﹗)、老豆 (知你冇乜錢，係咁易啦﹗)、威、Candy、Sharon、阿陳... 的禮物﹗Hehe....

我今年的生日願望係：1. 同神關係有更大的突破、更深、更愛慕   2. 祈禱進深、穩定   3. 對付性格上的盲點   4. 成功訓練一個G12   5. 9月讀Part Time Social Work Degree (最好係HKU)   6. 10月去九寨溝旅行

如果你係基督徒，請為我祝福吧﹗如果你唔係基督徒，也請你為我祝福﹗願神賜福予你﹗