趕印帖

一落實Wedding Logo後，便趕往金都印帖，因一般印內頁都需要3至5星期，而我一直誤以為只需1星期便可，所以現在要加錢了事呢﹗

很快便找到朋友介紹的印帖，那是在金都1樓，名心印囍帖禮品，因會用返大舞臺提供的囍帖，故只需印牛油紙，但都要$1.8 1張﹗嘩﹗店內客人聽到後，都不約而同顯露驚訝神色﹗ 再往其他店舖格價，我們印400張都要$2.5 或 $2.65﹗天呀﹗印字咋喎，駛唔駛咁貴呀？果然如朋友所說，他們已格價，這是最平的一間﹗唉...

而我們要一星期起貨，要加$300，內頁加Logo又要加$100，最後差不多要$1000﹗嘩.... 印帖都咁貴﹗若不是Gocco印中文字較差，真想自己印呀﹗

 

心印囍帖禮品會在第二天下午便出稿讓客人檢查，他們真的很快手，當然都只是一些很簡單的工作，改下字，再由客人提供要如何執，只是一個下午便定稿了﹗不過，我曾睇漏眼簽左名，職員都好好再問我，沒有加收金錢，感謝主﹗現在我在構思是否轉做絲帶會比金線好，因金線很像酒樓菜單呢﹗在Etsy曾看見用絲帶，感覺較好，但絲帶都要有一點款式才好看，例如圓點、橫紋等.... 要好好地想~

下星期便可取貨啦﹗現在尚欠我的大製作Church Invitation Card，及浪漫一生的謝卡，如無意外，明天應可落實，Blog友表示大概2星期內便完成，那我可趕及開始派帖啦﹗