Little C 1st Interview

自波哥生日會，

 

到Little C生日會

 

拖下拖下又拖下

 

前日突然發現自己仲未搬blog

 

係bubibu度睇左教學文

 

(呢次令我完全承認我係一個電腦白痴，好在有圖step by step先搬完)

 

先快快手地一個鐘內搞掂搬家

 

 

Yahoo Blog，其實我好掛住你咁user friendly

 

至少我係呢度仲覺得自己好多都唔識咁..

 

 

黎到呢度就發現大家好勤力寫Blog

 

我呢個懶人實在太懶

 

 

雖然好想寫下Little C生日會

 

(其實好多媽媽已經係FB睇到啦

 

但自己都仲好想寫...)

 

但決定先寫新鮮滾熱辣既~

 

 

Little C 1st Interview (N班)

 

 

 

雖然Little C每日都出入我們家同6299家

 

可惜佢真係幾有性格

 

只可接受自己撩人，恕不接受人地撩佢

 

所以由屋企出發去幼兒園都只不過係5分鐘內既事

 

佢由開籠雀咁好多野講

 

一入到去幼兒園就鴉雀無聲

 

 

不過，我們抱住試下玩下既心態

 

反正即使收都仲要諗既態度下

 

同埋最重要既係

 

我要透過面試知悉現今幼兒界係玩緊啲乜

 

呢場面試係無壓力底下完成﹗

 

 

Little C既表現呢

 

依然係好緊張

 

到要走時好快就做指令：同老師講bye bye

 

 

我地真係俾佢笑死

 

老師有趁佢玩緊車車、積木時撩佢

 

佢當然唔理

 

只係做到一次指令咁多

 

但重覆將玩具掉係枱底

 

令我同老公忍唔住狂笑

 

無法子啦，係屋企無枱俾佢玩嘛

 

掉落地下玩係好正常既行為

 

 

點都好，黎緊26號有第二次面試

 

看看又係玩緊咩面試形式啦~