返工泵奶小分享

返工已踏入第三個月，係時候回顧下返工泵奶生涯


好多謝大家的激勵，特別Creamy的回應，令我好努力咁返工都泵奶


其實我覺得自己算幸運，起碼成日以為自己無乜奶，到今日都仲餵到.....
 
雖然只係半人奶


餵下餵下，泵下泵下，Little C都叫食媽媽奶有五個月，算係咁啦~  

(雖然已經掙扎緊好唔好停，因為Little C濕疹情況令人擔憂，呢個真係要blog下)


鑑於我係奶量不多的窮媽，都有blogger想知我返工泵成點，而家俾d可以激勵下既相大家睇睇




我由2/1/2013開始正式復工，基本上我會跟返Little C食奶時間去泵

即係1100、1500、1900 (睇下自己果日返咩更)

但有時遇正開會、做緊野 (都係自己太投入累事)


所以，我係跟唔足個時間表架~


同之前產假時一樣，一有新高就影相留念~

特別事又會影相留念~

我真係好無聊


呢次係好特別，特別在呢日全中心都出左去退修

我係係女童軍營度泵，仲要全時間圍圈坐時泵，本來用餵奶巾，後來同事俾左勁大塊披肩我

就係咁泵奶


而剛好呢日真係返工新高，即影相留念~




第二日的中心退修營，有左第一次經驗，今次仲挑戰埋討論時泵奶

有時全世界無野講，部機的聲真係幾大，前面的男同事聽到都扮聽唔到，

但最好笑係有位男同事問時，即使女同事答左係我傳出d聲，佢都係諗唔到我泵緊奶





呢次係我係中心開服務隊會議，影低記念自己終於好放肆地繼續係男同事前泵

呢次仲絕，隔離兩邊都係男同事，但我都照泵，呢次係第一次係位泵，因為無乜時間離開個位去泵奶

可以的話，當然雙泵好過單泵啦

呢兩次又係新高，基本上，泵兩餐都夠Little C食一餐，算好好啦~


奶媽們，我們繼續加油呀~