Little S updated news~

昨日返屯門醫院做檢查，

 

因為上次姑娘都講明係特登加位比我，

 

所以都預咗要等所有人見哂先到自己~

 

我哋足足等咗2個鐘~~~~~~

 

好在，屯門醫院開一日病假比我，唔係我就大件事啦~

 

 

今次返去，醫生明顯比上次趕好多，

 

無辦法啦，因為我見醫生時已經係1點2，

 

但下一round係1點半就開始，

 

換言之，醫生其實都無咩時間可以食嘢~

 

呢啲真係做公立醫院醫生既辛勞，我諗除咗信念外，

 

都真係幾難有嘢可以支持一啲富經驗既醫生留低係公立醫院做~

 

 

感恩呢位女醫生其實都好好人 ^^

 

 

今次醫生度咗個瘤既size比我哋，係2.5X2.5X1cm

 

但醫生無講頭仔係幾大，

 

因為知道頭仔有幾大，先可以對照到究竟個頭大得快啲，定個瘤大得快~

 

老公問咗醫生答案後，我就問會唔會見兒科，

 

醫生應該太忙，唔記得咗幫我約兒科醫生，

 

所以佢叫護士提佢下次覆診時搵某某醫生，仲話你知我哋成日都唔係好記得，

 

要靠你啦~

 

 

 

最後約咗兩星期後返去覆診，即係16號，咁啱私家果度11號覆診，

 

即係可以一星期keep一次檢查，正﹗

 

 

去到輕鐵站時，我問老公醫生都無講頭仔幾大，

 

佢就話：我而家計緊

 

我又話：下，咁點計呀？

 

佢：2πr

 

我：即係咩？r係咩呀？

 

佢 (開始無好氣)：r咪係半徑囉，π咪3.14，計完啦，係6.1幾cm

 

我 (喪笑)：你好勁呀，好彩嫁比你~

 

佢繼續無好氣望住我，無言

 

 

我再追問：點解你會記得既？你返工要用咩？

 

佢：讀書入咗腦咪記得囉

 

我：點會記得架

 

佢：讀書記得，瞓覺都記得啦

 

 

我再次哈哈哈喪笑~~~~

 

 

哈哈哈，要記低佢，因為我真係讀完邊記得架~~