謝謝大家 =)

無諗過霎時間有咁多位Blogger留言

 

個別仲whatsapp或者FB inbox

 

係呢度先多謝大家的支持同鼓勵~

 

 

相信Little S係收到的~ =)

 

 

平安咁又過咗一日

 

昨日放工我同老公返咗教會祈禱

 

老公話已經至少兩年無返去祈禱

 

係，其實我哋兩個都同神遠咗好多

 

 

係返教會途中，有一位過往由我牧養既肢體向我說深情的支持

 

同時間亦分享對我一直以嚟既狀態既擔心

 

我也回應呢段時間，特別係佔中一事令我有認真思考過離開教會

 

 

詳情難用三言兩語分享

 

但總括而言，我知道肢體也是關心我，我們之間並沒有衝突~

 

 

而係教會禱告的過程中，雖只是約40分鐘

 

但我弄清楚為甚麼昨天的自己會那麼情緒波動~

 

 

 

係，昨天其實我好情緒波動

 

至少要當值時都忍唔住幾次喊~

 

 

我並唔係不捨得Little S，真的，一點也沒有不捨得

 

因為我知道萬一她真的要離開

 

都只有一個地方會再遇到她

 

那就是天堂

 

 

所以我丁點兒也沒有不捨、擔心、難過、自責

 

而令我情緒如此波動的原因就是家人會勸我墮胎

 

 

我曾跟一位正於美國讀神學的弟兄分享

 

他問我是否擔心起來？

 

 

我都只能答他不知道

 

但他提醒了我，醫生也沒有權力去判斷人的生死

 

 

對﹗所以我難過是家人會因著為我好

 

為我和Little S好而建議放棄

 

但誰創造Little S呢？

 

是神呀﹗

 

雖說我是媽媽，精子和卵子的結合根本就是爸爸和媽媽供應

 

但不是單單這樣的~

 

當我搞清楚自己發生甚麼事時

 

人都清醒了好多好多~

 

 

我和老公各自私禱後再彼此分享

 

大家都共識在24週前Little S沒有特別發生甚麼問題時

 

我們都不會選擇放棄

 

而老公有多一項準則

 

就是對我會有怎樣的壞影響

 

 

 

講真，生命從來都不是人能控制

 

既然是這樣，想太多又如何？

 

 

而晚上收到媽媽的電話，阿姨真的講了給她知

 

她和爸爸討論後都一致告訴我，放棄啦，我還後生可以再生等等~

 

面對媽媽，今次我沒有喊啦~

 

禱告是真的讓我更有力去面對

 

 

所以，我要重拾禱告生活呀﹗

Little S，你要繼續比心機~

你的姐姐Little C每日都好開心又摸又錫你，你要努力支持直到出生呀~


天父必拖帶你的﹗

小小心底話

呢件事除了戰友們，教會部份比較熟既弟兄姊妹

 

今日係呢個平台講下

 

因為我發現自己要搵一個地方去記低呢一點一滴~

 

 

 

其實一直都好想快啲有第二胎

 

而Little S既到來都係期待中，但又超過想像既時候嚟到

 

 

不經不覺由7月尾中咗

 

走到今天已經20週了

 

就在星期一做結構檢查時

 

細心既醫生發現Little S係右耳對上，高過額頭位置有一個大約2cm既腫瘤

 

而Little S既頭仔都只不過係4cm大， 可以想像到呢個腫瘤真係唔係細

 

醫生即場同我哋再望多次唔同既位置

 

最後講好大機會係血管瘤，因為個腫瘤入面有唔少血液流動

 

同時醫生寫轉介信比我返屯門醫院睇

 

 

呢刻老公真係愁哂，因為星期日晚仲問我擔心嗎

 

我答佢唔擔心，因為生命係神掌管

 

想不到事情真的發生，而我都好平靜，亦深信主必帶領

 

 

到了昨天，屯門醫院登記後，下午兩點幾打嚟搵我4點半前見

 

果然公立醫院跟得好快﹗

 

老公收到消息即刻趕返嚟，而我哋有3位醫生同我哋做結構檢查，

 

由5點多做到成6點半

 

都終於見識到公立醫院其實會做結構.... =p

 

 

醫生們的講解其實都差不多，但講多咗長此下去對我會出現咩影響

 

而我都聽到醫生間對話有提及仲有幾星期可以觀察住

 

換言之，即係法例規定24週以內係可以合法墮胎一事

 

 

醫生提到Little S目前並沒有心衰竭，因為心臟既要泵血支持自己身體之餘

 

仲要泵血供應2cm大既瘤

 

如果係按比例咁大落去，或者大得快過Little S

 

出現心衰竭既機會會好大

 

跟住就有機會水腫

 

而我就會胎水過多

 

到我有機會妊娠毒血症

 

 

 

講到呢度，其實我情緒都好ok，無喊無唔捨得

 

擺你命3000既情況出現係夜晚搵阿姨講呢件事

 

因為我同老公共識咗唔同4大長者講，一心諗住阿姨可以早啲知幫下口

 

點知阿姨一聽就建議我墮胎

 

點解呢？原來我大姨媽係一直有血管瘤而不自知，到發現時已經雞蛋咁大

 

亦做唔到手術，最後一次突然中風就過身了

 

加上阿姨話佢見身邊朋友的仔女有事手尾好長

 

所以就有呢個建議

 

 

我理解佢點解咁做，但我同時預見到自己屋企人都會有咁既睇法

 

開始感到嚟緊日子應該唔好過......

 

 

 

到今天，間中收到弟兄姊妹既支持訊息就會忍唔住喊

 

打呢篇文章我都無喊，就係一有人支持自己同Little S就會喊

 

 

 

家牧問我覺唔覺神興起環境要我返去禱告

 

我知的，我好覺得呢次Little S係一個小天使，將我們一家緊緊再一次帶進神的愛中

 

至少昨晚是我們三人一起為Little S按手禱告

 

對，連Little C都有份呢~

 

 

所以我從心底都相信在神裏面，只有祝福沒有咒詛

 

 

Little S，求主祝福你是一個充滿生命力的小生命

 

並奉主名宣告頭上腫瘤不會再長大﹗Amen~

龍年寶寶面試 ‧ 感想

一直以嚟，媽媽都有認真睇校評報告搵合適既學校

 

亦都抱住唔係一定要名校心態

 

 

可惜今日帶住Little C去媽媽既母校時

 

因為面試模式係要自己入課室見，

 

Little C如媽媽所料，最後都係唔成功

 

前後試咗三次都係喊

 

雖然每次都比之前一次進步

 

但都係唔成功啦~

 

 

係呢三次之中，媽媽都問自己點解仲要個囡繼續面試

 

當媽媽安撫緊Little C時，爸爸就一語中的話不如唔好面試

 

呢一下，令到媽媽好似一個氣球被刺穿咁

 

情緒轉變到好差

 

發脾氣落爸爸身上  (唉...)

 

最後送了Little C去99後，

 

媽媽忍唔住去廁所喊

 

 

我知道自己要冷靜，要反思為何自己會咁失控

 

而且重點係既然明白自己個囡係咩人，

 

做咩仲要勉強佢呢

 

 

冷靜下來兼同戰友們訴苦

 

終於回復正常﹗

 

 

 

呢次係一個好好既提醒﹗

 

要記得自己係搵一間合適既幼稚園比Little C

 

面試模式亦係媽媽最後選擇讀邊間既指標之一

 

 

求主祝福自己莫忘初衷﹗