どんぐり共和国 ~ 親親龍貓

相信大家係唔同渠道都知宮崎駿既龍貓展

其實唔止展咁簡單

仲要係館黎添~~


如果大家有印象

Little C係有隻龍貓Buddy

所以昨日媽媽放假

立即約埋波媽

帶呢Pair兩小無猜小朋友一齊搵龍貓啦


海港城實在唔係一個BB車friendly既地方

因為上次我黎過睇鴨鴨 (仲未blog添...)

所以好快帶左波媽入去

點知....

行足一圈都搵唔到Lift


最後我地兩個決定用扶手電梯

(我地夠膽上，唔夠膽落

倒後落好驚架)


上左一層滿以為搵到Lift

都係搵唔到

終於撞下撞下有個海港城既人經過

帶我地行去搭貨Lift

仲同我地講

d lift好隱蔽

走時記得搵佢地


海港城呢方面係咪應該檢討下呢~~~


好，上到去何其興奮

點知原來閒日都要排隊﹗

當我地以為係果個隊時

原來後面都係囉.....


呢個時候本來我地應該去High Tea

但見要排隊

一於唔High Tea

交由波媽幫手排先

我就去附近既博洛尼亞同Little C開餐


食唔夠10分鐘

波媽已經打黎話就快入得

唯有立即俾錢先 (係博洛尼亞叫左個餐

個餐都未黎，我就俾錢

仲同佢講我一陣返黎食得唔得)


一去到波媽度，好快就入場啦

來來來

龍貓呀﹗


呢張合照得黎不易

因為好多人都想同大龍貓影相

俾我地擺左好耐.....

呢兩個小朋友係咪好可愛呢


波哥好搞笑，我知辛苦波媽好耐


Little C：媽媽，咩黎架，好大呀﹗

去影相時，因為射燈關係

好易一時明，一時暗

因為光源唔集中，部機有機會test唔準

所以辛苦波媽呀﹗

 

 

 

呢兩個小朋友都好吸引其他人目光

所以我地影左都幾耐下又無乜人嘈

我地都好識趣地快影就讓俾其他人影

然後瘋狂Shopping


跟住同貓巴士影

大家都快d去啦﹗