3/1/13 真係返工，亦開始拎泵機、冰袋，一抽二袋咁返工，仲要計漏時間，送Little C去奶奶度後，自己無食飯時間就趕返工，出左去開會無時間，無機會泵奶....
4/1/13 又SL，因為醫療卡的醫生開的藥唔係好得，我又唔想再係咁戴口罩 (我已經成個星期戴啦，沖涼時Little C見我咁仲要喊.....
)，所以去返睇開的醫生，食左一次藥掂呀﹗回歸正題，昨日第一日正式返工兼做泵媽，真係好唔容易﹗超唔容易﹗唔知點搞好~
好在Creamy的回應令我重新上路，無錯﹗有好多媽媽默默耕耘中﹗
昨日返1.30，Little C埋身11.00，我只係6.15晚飯時間先可以去泵，仲要原本諗好的地方都俾人坐左，迫不得已去左interview room，仲要不時擔心阻住同事見walk in......
泵媽真係好唔易﹗
再加上一返工，上司同我講年廿九至年初三的4日3夜露營無人頂到我，要我去返....
主呀﹗我點泵奶？
本身已經係窮媽媽，我唔想咁快收奶囉..........
荒山野嶺，倒左佢就預左，但苦在諗唔到點泵奶.......
成為我昨日返工，全日最苦惱的一件事~
泵媽真係好唔簡單.......
真係泵媽唔易做呀, 你仲要返shift...仲要跨年去camp, 加油呀!!!
回覆刪除我好佩服你既工作熱誠, 說實話, 家庭生活對我好重要呢, 所以N年前我已經搵一D唔洗shift唔係好多outing既工...工作同家庭生活仲有照顧BB, 真係好難平衡, 求主賜你智慧去好好處理!!
[小草回覆01/08/2013 10:04:14]盡力啦, 其他野交俾神~ 人既能力真係好有限...
[版主回覆01/07/2013 21:16:41]我諗唔到我有無機會做一份唔駛outing的工... 其實我而家只係想餵到半歲... 希望呢個唔係奢侈的夢想啦~
[manchi回覆01/07/2013 14:47:57]Cherry: 返左工之後，就係掛住泵奶，keep 住奶量，
有時累到，都唔係好想同阿仔傾計~><~
[小草回覆01/07/2013 11:05:48]其實都係, 搵訓唔洗outing既工都唔易, 我份工其實無咩outing, 就算有, 都係一日搞掂, 唔使overnight, 但就年年都要出trip帶交流團.... >.<
[版主回覆01/04/2013 22:45:41]講真，我昨日真係有問自己係咪要轉工，但我諗到無咩工唔駛outing時，都係放棄左....
其實我唔介意去4日3夜，但我而家好介意泵唔到奶~ 唉，我今日同老公講，下次生仔真係要計埋時間先掂
做泵媽真的不容易，加油呀！！
回覆刪除[版主回覆01/07/2013 21:11:35]係呀，大家一齊加油﹗
露營嗰度有無廁所可以泵? 餵人奶真係會好辛苦,不過為咗bb,唔好放棄~支持你,加油!!!
回覆刪除[版主回覆01/07/2013 21:12:20]我好唔想放棄呀~ 真係要泵唔係話咁易..... 今日返12個鐘工，都只係泵到2次...... 好恐怖呀~ 真係怕就咁俾份工搞到收奶~
Cherry，加油丫!大家一齊努力!
回覆刪除如果係公司泵，你會唔會買多條餵奶巾遮住，就住有人入黎，
都唔會監介，而你又唔駛甘緊張.......等個人放鬆o的
仲有，露營會唔會用手泵丫? 可以去廁所泵一泵，起碼keep 到個奶量~
[版主回覆01/09/2013 23:01:55]咁勁﹗我都想呀~ 我今日係中心泵，感恩地2邊都各有1安，已經遠多過我估計的20ml~ 哈哈....
好呀，其實我都有飲過另一隻，但唔覺多左~
[manchi回覆01/09/2013 14:56:35]同埋，我今日第一日試yogi milk tea，竟然多左30ml，
好開心! 好興趣
你都可以試下 o的milk tea ~^^~
我有幾盒存貨yogi milk tea/ organic milk tea，
如有需要，可以俾o的你試下~
[manchi回覆01/09/2013 14:53:03]講得岩，飲水她緊要，雖然會成日去廁所，
但奶量係會好點.......
熱水都好有用，雖然我平日泵好少用熱FU，
但餵奶前去沖個熱水涼，o的奶係會滴出黎，
而且個胸係會谷o的~^^~
[忌廉火柴回覆01/09/2013 11:35:11]記住飲水呀, 仲有放鬆心情, D奶奶就會黎~
我試過泵前用熱水沖個喇叭, 之後一擺埋身, 就出奶喇, 你都用熱毛巾FU下先泵喇~
[manchi回覆01/08/2013 13:31:52]加油!
我諗只要固定左時間，再加上o的湯水，上奶食物，
o的奶量應該會慢慢升~^^~
[版主回覆01/08/2013 11:16:08]係啦，昨晚2邊泵得16分鐘，竟然加埋有成65.... 估佢唔到~
等我儘量keep同一段時間泵先~
[manchi回覆01/08/2013 08:52:38]我都試過好谷去泵，但都係泵得好少，
反而到時到候，個胸仲淋淋地去泵，
個量又係多o的!所以我諗定時泵好緊要...........
而且cherry，加油丫!泵得幾多得幾多!
始終返工真係好難控制時間!!
放工後要把握時間埋身
同埋，依個blogger 分享做奶媽的經驗，
我成日都睇佢個blog 黎鼓勵自己
http://blog.yahoo.com/andy.cathy/category/%E6%AF%8D%E4%B9%B3%E9%A4%B5%E5%93%BA
[版主回覆01/07/2013 21:13:16]我今日第2日係中心泵，唉.... 返3節，都係泵得果2次...... 仲要朝早果次係谷左成10個鐘都有，點知得果75ml.........
CONGRATS ^^ happy to know that u become mother too ^^
回覆刪除[版主回覆01/09/2013 23:02:47]Thx ar ~
加油呀!
回覆刪除[版主回覆01/09/2013 23:02:58]我會努力~
要響荒山野嶺泵奶咁大挑戰
回覆刪除你泵奶洗唔洗死按爛按架？如果唔洗呢，我之前睇討論啲人用雙泵係搵緊褸著住咁泵架，或者lee響個camp度用褸遮住咁泵得唔得呢？
[版主回覆01/11/2013 21:23:10]我用電泵，都諗住到時匿入自己個營泵奶，得呢個方法咋~