Little C 愛沖涼~

Little C很愛沖涼，當然初生時一掂水就大喊，但漸漸每次沖涼都好冷靜兼笑出聲~

後來有一天我和老公襯機會替她影返輯浴照﹗

笑到呢... 我成日同佢講：你想引死人咩~

賀波哥3個月大 ^^

還記得寫Yahoo blog緣起是籌備婚禮，過程中認識了Sasa，因大家都分開2日搞婚禮，同租Vanesse L同大舞臺，真係巧合到無人有﹗

當然還因此發現友人的未婚妻，原來有寫blog﹗

有部份blogger比較熟，也多看他們的blog，但我相對少活躍，同Sasa都只是見了一、兩次 (我係超級唔活躍... 哈哈)

但最奇妙的是，blogger Ball Ball 係搞婚禮時都唔算好熟，但佢好好人分享了她的結婚請帖俾我留念 (我好鍾意架﹗)

自從去年2月起，我們就突然多左聯絡，仲成為戰友﹗

因為我們的身份成為了準媽媽，預產期只係差2星期﹗想不到的是，2個bb出世真係差2星期呀﹗

我們一齊去BB展，果時litteball已經好有肉地，我同Ball Ball的肚明明只差2星期，但俾人誤會差唔知幾多個月~

我們一齊去sogo thankful week，唔係為LC，而係為Nature Pureset﹗

我們一齊交換Amazon的消息，分別買左同款但唔同色的diaper stacker

仲有，我們分別唔同時間買床仔，點知大家都係買0/3 Nicole Mini，不過佢係白色，我係原木色﹗

由懷孕起，littleball同Little C已經有好多物品係一樣架﹗

我們連奶粉都一樣添~ 哈哈~


昨日係Littleball3個月大的日子，呢個安全線咁重要，Little C梗係要去賀一賀佢啦﹗

而我亦都係第二次帶Little C去遠離屯門，今次去到紅磡﹗不過有少少lei hea，因為我們食tea的地方，竟然唔方便媽媽們推bb車﹗

辛苦圓圓，幫我抬上抬落~

Littleball，你真係好肥美呀﹗令ee流口水呀~ 好掛住你~

Resell KM 配件 (All sold)

KM配件有3個，有興趣者請私人留言查詢，謝謝﹗

玻璃攪拌機

食物處理器



搾汁機

初生Little C愛托頭

Little C初生時，跟許多初生BB一樣，好愛O咀，真係好好笑，Blogger話越大越少O咀，而家Little C已經2個月多d，真係少見左好多呢.... 好懷念佢O咀時刻~

BB真係大得快，所以媽媽真係要有一部影相影得快的手機先得~ 好在Little C出世前，成功令老公幫我換電話﹗我先可以由56K時代的3Gs進化寬頻的S3﹗影相速度真係差好遠﹗


除左O咀，Little C都愛托頭~ 佢係我肚入面時，成日搵手遮面，唔知係咪咁而家都愛托頭呢~

攝於24.10.2012 20日大的Little C

Resell KM 020 (Sold)

終於決定轉售這部用了只是2次的KM020

經過很多個月的考慮，加上想了很久很久，KM020的功能的確一讚，但實在在我家的用處不大。

所以我決定轉售啦﹗




跟機有2個配件，玻璃攪拌機及食物處理器






有興趣的朋友請以私人留言查詢，謝謝﹗

坐月坐到人都癲

之前提及坐月真係可以坐到抑鬱，小草的回應令我真係好想寫呢篇post

自從經歷過坐月，便立定一個目標：將來我要幫Little C坐月，不會假手於人﹗


起初，我和老公都認為不用請陪月，一來想慳錢，二來奶奶都辭工了，可以由她來幫我坐月，況且我們的媽媽以前還不是沒有陪月，獨個兒搞掂，我認為自己也能夠做到。

的而且確，我真的可以做到。

這2個月9成時間由我一人湊Little C，奶奶只是中午來我家2小時，煮飯及替Little C沖涼，星期六、日則不用來，由我搞掂。

不過，我最搞唔到的是膳食，特別我在事前忽略了坐月要保身﹗


從醫院回家的第一天，阿姨很貼心地讓媽媽早點來我家，當時她說：你第一個BB，我明有好多野唔識，等你媽咪幫BB沖涼搞好d野，之後你自己慢慢黎。

就是這麼窩心﹗

當我看見媽咪幫Little C沖涼，實在很驚嘆媽咪完全有資格做專業陪月﹗


在坐月的第一星期，老公特意取了一星期假陪我，也陪奶奶，他說希望可以幫我們二人習慣，還有更實質的作用：萬一我倆發生事，他可以中和我們二人之間的衝突。

好細心的老公﹗

可惜，衝突依舊出現，全因老公也不明白坐月要保身的道理﹗



我媽媽在首一星期幾乎每兩天便來，將姨丈為我弄好的薑飯帶來，並且來我家替我弄薑水沖涼。因媽媽要返工，只能下午5、6點來，剛好這段時間是老公休息補眠的時間....

老公認為我媽媽來了，我沒有休息，他也不好意思休息..... 曾有一次更說不要再讓我媽媽來....

我和老公之間的衝突便來了。

我心想，我媽媽都是為我好，她見奶奶沒有替我弄薑水，放工後不理疲勞都來我家幫忙，怎麼能說不讓我媽媽來呢？況且，讓我媽媽見見外孫有問題嗎？當時我選擇安撫我老公，但依舊讓媽媽來。因為當我媽媽來了，真的有鬆一口氣的感覺，可以完全安心。

這全因奶奶在我坐月期一些令我提心吊膽的表現。


奶奶後生時也不是自己主力湊我老公及叔仔，所以她曾跟我說不懂照顧BB，而且，她有時會忘了要照顧我。試過從健康院回家時，自己抱住BB，由我一人拎重重的媽媽袋，那刻我頭腦明白她無心，但心理層面真的想爆炸﹗

也曾試過替Little C沖涼時不扶著她的頭，好像要測試她的頸夠不夠硬淨....

近來試過將Little C放在梳化，但姿勢是好像我們坐在梳化的pose，嚇得我即叫奶奶將Little C平放....

請問未夠2個月的BB，已夠腰力嗎？


總之，奶奶真的令我提心吊膽﹗


坐月的情緒反覆，主要是見到奶奶便起。

我試過食飯無餸，媽媽發現了，在我面前沒說甚麼，但向阿姨呻，覺得她照顧我不夠好。

也試過奶奶叫我們食外賣、買义燒給我們做餸..... 更在坐月期間要我們回她家跟她食生日飯﹗

那刻我真的很嬲，點解要坐月果個咁辛苦？


那段日子大概維持3星期，是真的很容易便哭，老公又不明白奶奶是真的不懂照顧我。有一次我記得真的勁發脾氣，大喊

幸好的是，有次阿姨打電話給我問我近況，她常問我有無餸食，原來當時她和媽媽已覺得我無餸食。那次，我忍不住在阿姨跟前哭了，她立即安慰我，問我是否覺得奶奶不懂照顧我。我跟阿姨說，又不能向媽媽說，怕令她擔心，但自己好唔開心。阿姨說她早已聽我媽媽說，聽得她很心痛，不斷叫我不要哭，坐月哭會眼入風等等.... 最後，阿姨說決定不理別人怎樣看，替我煮餸保身。自此，我的心情才好返點。

那刻，我知道我的家人怕做多了，令我奶奶覺得她已辭工照顧我和Little C，要外家出手是否意味她做得不足。由這此起，我對我的媽媽完全改觀，真的修補了我對媽媽的感覺﹗



事過境遷，有第二個BB時，我一定找我的媽媽來照顧我。