大日子 Part 5 兄弟姊妹大戰篇3

續上篇~

當兄弟們不斷死迫爛迫下，姊妹Candy當機立斷，大叫「咪嘈」，隨即拿出第二項挑戰用品~

一個仍有小小沙粒的大膠箱，將一盒象徵係我的車厘茄放進去....

遊戲二：救救車厘子~

 

當然少不得放冰塊~ 姊妹Candy一面落力地將兩大包冰塊放進去時，兄弟Jim在紅絲帶的另一面不斷說「你知唔知其實唔駛放咁多冰落去架？」。姊妹們係呢個時候又點會回應呢？若果有十包，可能佢地會放十包﹗小時見攤位遊戲是用發泡膠粒，我地就用冰，其實真係好凍~

親愛的丈夫在917當天己在車上看見大膠箱，立即知道會進行這項遊戲，所以對他而言，難度不是很高~ 哈哈，因為要食車厘茄都不用他出口嘛~

說起要食車厘茄，兄弟Jim二話不說，立即除鞋除襪坐上椅子，哈哈，最醒目都係佢~ 

兄弟Jim好樂意影呢張相，只係用腳趾夾，已經係最好的優差~

 

眼見膠箱內有多「清潔」，自然不用跟其他兄弟講情啦~ 兄弟德義在旁看見沙粒，已邊呼「嘩，好多沙呀」，一面走出走廊，遠離戰場。

預備好遊戲用品後，姊妹們強調要丈夫找最係兄弟的兄弟出來，由兄弟Jim以腳趾夾實一粒車厘茄給兄弟吃，伴郎失二話不說，立即大叫「好，我黎﹗」並衝出來吃第一粒車厘茄~

無花無假，呢D真係兄弟情深呀﹗而且係最正宗的示範﹗做兄弟的要好好學下啦~ 將來到伴郎結婚當天，相信我親愛的丈夫也會如此賣命呀﹗

接著的是伴郎業，是我丈夫的弟弟，他也是二話不說走前來吃~ 深明願意一齊玩遊戲才好玩的道理，將遊戲推上高峰﹗

當然，隨後的兄弟梓楓、榮、德義都是姊妹Sita等大聲呼叫其名才勉為其難地吃，特別是德義，簡直多謝Sita唔少﹗食得咬牙切齒~

雖然其後已由親愛的丈夫用手固定車厘茄在兄弟Jim的腳趾上，但據聞兄弟德義立即走進洗手間將車厘茄吐出來，覺得兄弟Jim的腳很臭吧.... 哈哈 其實兄弟Jim每次夾起車厘茄，立即從箱中偷雞取出車厘茄吃~

姊妹們看見兄弟食車厘茄的模樣，簡直勁高興~

我想她們不是幸災樂禍，而是大家你一言我一語，邊嚷吃不吃，邊夾硬來，好好的氣氛呢~

最後，輸到親愛丈夫埋位，輸到他用腳趾夾出「一索」，同「南」

爆笑的是，原來他搵極都搵唔到，兄弟Peter及伴郎業用手替他撥開冰粒找，也找不到，嚇得他大叫「嘩，好凍﹗」」「搵唔到既，係咪俾人換走左呀？」 你當我D姊妹變態架咩？

最後當然成功搵到啦~ 但唔係用腳趾夾，係用手放咋~

 

待續~