Thursday, September 08, 2005

昨晚突然不用與bo bo、Candy、傑吃晚飯，希望鄧寶子快點好番啦~ 由於今個星期都已經排得密密麻麻，沒有空檔可以跑下步，練下咁... 所以立即決定回家換衫、換鞋，走去元朗大球場跑步﹗

大球場正進行裝修呢﹗一進入便發覺現代化了~ 這裏載滿7年Sports Day與及上學前練跑的回憶，突然改變了，有點不知怎的感覺...... 不過，女更衣室的設備進步了不少，有很多地方供沐浴及更衣，寬闊了不少﹗ 原來，真的是較少人會來跑步呢﹗本來還擔心沒有locker可用，但還有數個呢~

開始跑步啦...心裏開始想起過往練跑的情況...我很愛跑步，別人說跑步是很苦悶的，但我卻引以為樂。跑步時可以想東西，完全切合我呢個愛發白日夢的人﹗哈哈...我從200米開始跑，跑呀跑，想起Sports Day各社打氣的情況，也想起中四那年跑4X4接力，越過學社同朗社的情況...記得那年May與我分別代表朗社同元社跑第二棒呢...嘩...好多好多記憶呀﹗仲有在看台最左手面是Girl Guides同Boy Scouts的駐足地，在下面大叫Girl Guides落黎練步操...最後100米的跑道，常常是3隊制服團隊中午練步操的地點，也是第二天閉幕時出步操的地方呢﹗全場屏息靜氣，一隊接一隊的慢慢步操，首先是Boy Scouts，其次是Girl Guides，最後是交通安全隊。最慘的是Girl Guides呢，被兩隊大聲夾攻，又最抵死的是Girl Guides很細聲，柔柔弱弱咁...

元朗大球場充滿許多回憶，當然大部份都是Sports Day啦﹗很喜歡Sports Day的感覺，其一係秋天的感覺﹗其二係四社各自落力打氣，創意層出不窮，元社的豆豆樽、朗社的... 想不起添...中社的大鐵罐，學社的大鼓，嘩... 但呢幾年，我知道學校已經禁止再用一些會發出大響聲的東西... 某程度來說，少了點熱鬧氣氛呢...

看見別人在跑步，想起中四那年常常在星期六回校跑步，我記得阿失會在腳上綁了些東西來跑，好像會加重了腳上的重量，練力掛...以前一班男仔會係5人足球場度踢波，我同May就會跑步... 中學生活真係好懷念~

而家大個左，就更加珍惜同朋友相處的時間，好快吉梅就生日啦，我都好想出席星期六晚的飯局﹗記得去年Jeffery、Roy、Kin、Vincent、Benny、Alex、肥豪等畢業，我地竟然可以在某商場入面公然食Pizza，飲紅酒，Alex仲入埋商場部公用電腦，改埋個password... 哈哈... 簡直瘋狂﹗