Resell Slice machine + 2 slice design cards

我將會有很多Scrapbooking的材料轉售，有興趣者記得私人留言查詢呀~

第一個是Slice Machine，100% 全新，從未用過。

The new and improved SLICE Elite Cordless Design Cutter is more precise, cuts 40% faster, and cuts materials twice as deep.

• Package contains: SLICE Elite Cordless Digital Designer, Basic Elements design card, Basic Elements design card booklet, 6" x 6" glass cutting mat, 5 blades, blade replacement tool, blade adjustment wrench, power cord, repositionable adhesive, foam brush, user manual and quick start guide
  
• Works with all SLICE Design Cards & accessories

Little C之對比

早排FB傳緊一張一個外國爸爸每年都同個囡係同一地點影既相

其實Little C出世後

我地都有咁做



最興奮梗係第一個月啦~

 

只係一個月，已經睇到Little C大左咁多

當時單手就可以抱起佢



後來都有影，但已經無咁規律

BB真係大得好快

大家記得要有一部影得快既手機 / 相機啦

三遊迪迪尼

上星期，爸爸突然話想Family Day

(昨晚如是，唔知點解突然咁神心)

因為紅卡在身

好自然就再去迪迪尼


我估可能上次波哥去迪迪尼有得食三眼仔包

所以佢想同Little C嘆返下


點知.....

其實係要3日前預約架

我地呢啲咁隨心就梗係無啦

不過唔緊要

Family Day既重點都係一齊去玩0者~


但今次Family Day對我黎講係有d lei hea

因為爸爸係只放下午，上午要返工

所以要自己獨力餵完奶、執野、煲粥、換衫、拎玩具...... etc

最後我係遲到囉~

仲要好白癡地誤解左爸爸既意思，搞到自己仲要提早落鐵....

但我相信下次再有咁既情況

一定會做得更好﹗


我地上星期五去迪迪尼

炎熱指數係甚高﹗32度﹗



好熱呀~~~~~~~~

眾所週知，迪迪尼可以遮蔭既地方係幾有限

Little C極怕熱，我地都準備左夏日小涼伴

小風扇

用埋呢日，小風扇已經俾Little C摧殘左....




一去到迪迪尼，當然要影返張最靚仔最靚女既相

起碼大家都未去到熱到溶既階段

Little C呢個時候仲有著襪仔

無耐我已經幫佢除左，真係太熱啦~~~~~~


亦都因為太熱既緣故

我提議先搵地方坐低食野

避過最熱既兩、三點

走左去幻想世界既餐廳



Little C第一次坐小童椅

坐到幾咁豪邁呢~


呢日既餐有生果盤

有透心涼既西瓜


媽媽我當然俾少少Little C食



一如啤梨，食到變哂樣

我估係因為西瓜凍

所以佢好唔慣

慢慢我示範同教佢食後

終於可以自己拎住食



但其實佢每咬一啖都有少少變樣

可能太唔慣食凍野啦




食完西瓜，Little C繼續發揮佢呢輪既歌喉

不斷尖叫


呢隻黃鶯真係令我地幾頭痛

尖叫程度係無停，屋企還好，出街真係唔好意思

不過，佢咁尖叫法，離開餐廳果然出現呢個狀況



開始無力

我地已經忍唔住笑

(好變態既父母)

再過一份鐘



佢終於都瞓啦﹗


係LIttle C瞓左既時候，

我地真係遊哂成個迪迪尼

仲發現我地一直好白癡咁搭佢地樂園火車去幻想世界

其實只要一直行穿過城堡就得

真係好白癡呀.....

不過咁多個之中，我覺得灰熊山谷係好值得玩

應該好開心﹗


到Little C醒返之後

我地又係幻想世界啦~

就走左Pooh Pooh Shop過冷河






本來搵樂園公仔係指定動作之一

不過我地唯一遇到既係著仔牛仔服既米奇同米妮

果時Little C仲瞓緊，所以無影到


既然係咁，就唯求方便影小飛象




我地又見Pooh Pooh Fast pass未夠鐘

走左去玩旋轉木馬


其實我一直以為要等到歲幾兩歲先玩得

其實BB都得架~

迪迪尼果然好適合BB合家歡呀





其實都幾開心

媽媽們可以考慮下


玩完就去左Pooh Pooh度玩

 

 

影埋呢張，三遊迪迪尼完結Lu

Little C冧死人動作

其實媽媽臨生前已經成功賣走KM020

立即敗左Blogger神仙推介既Panasonic 105T


拖下拖下

最近被媽媽會的麵包機出爐照感染下

終於為P仔開光﹗


呢日媽媽整左粟米包

Little C食麵包後必定做一個Pose

我都唔知點解佢會咁

但真係好鬼冧

 

Resell Fujitsu Notebook (Sold)

哈，估唔到用唔過兩次就Resell

因為爸爸話送ipad mini俾我

呢部Notebook本來諗住用黎返工開會用

有左ipad mini

就唔需要用Notebook啦~


所以一於Resell


Fujitsu SH572 U1W

白色

購自去年大學roadshow

所以真係99.9%新~


Intel i5-3210M

13.3"

4GB / 750GB

Win 7 Home Premium

Carrying Case

4 years international (carry in) warranty

有意者請以私人留言查詢，謝謝﹗

啤梨No Way

話說媽媽我一直好想俾Little C嚐盡人間美食

(其實Little C好鍾意食)

上星期特登買定啤梨

諗住等啤梨熟d，香d，先俾Little C食

昨日既黑雨造就左機會俾爸爸媽媽

點知出現呢個

笑爆肚

畫面

 

呢個情況唔止一次

因為媽媽我為左捕捉呢個笑到死既表情

前前後後都唔知比佢食幾多次

直到昨晚臨瞓前揀相放係My365

都忍唔住再笑多幾次


真係好爆趣呀

請大家細心欣賞~

Little C：媽媽，你唔好再迫我食啤梨啦