Little C ~ First CNY

新年快樂﹗恭祝大家歡樂年年，身體健康，笑口常開，恩典滿滿~

回想去年今日，已經知道自己懷孕個多星期

今天，Little C已經出世

如果有懷孕中的blogger 睇到此post，祝你順順利利陀b生b



這個新年是LIttle C的第一個農曆年，一早已準備了2套桃紅色的新年衫

點知2件都算大件

但為了應下節，初二Little C跟爸爸返去食飯時都著過一次

本來好想好似Littleball咁影返張靚靚開年相

可惜件衫太大，實在無乜意慾.....


最後在初三當天，忽發雅興，帶Little C落樓下公園仔影返好幾張~

其實係家庭照吧了~



話雖如此，但我準備好好架~

等我精選幾張見得下人的相

早幾日突然找到這個砂糖兔口水肩

對，係突然，自己都唔記得呀!

仲戴上我係生Little C之前鉤的頭花，真係好靚呢~

不枉我大住肚走出去尖沙咀買本鉤針書

老公引Little C唔夠我耍家，看看我幫佢影相時，Little C笑得多燦爛

 Litte C的笑容，引死我




年初三，樓下公園非常靜，甚至幾乎沒有人放狗呢~

Little C腳仔都幾夠力，所以我們間中都會俾佢企下係度一陣間

唔知點解，今日Little C心情大好，好易笑




影影下，我們決定返屋企再拎U型枕幫Little C影獨照

未識坐的Little C，好似大帝咁呢~

My first BD with Little C

當媽媽後的首個生日

早早決定帶Little C去迪迪尼，主要想幫Little C影相~ 想不到，老公最後改變初衷，申請大假同我去~

而我們亦首次買迪迪尼全年通

紅卡~

因為每逢大時大節，應該都帶Little C去迪迪尼影相~

咁全年通就變得抵好多啦~

老實講，對上一次去迪迪尼，應該起碼係4年前啦~ 我並唔係迪迪尼fans呢~

而今次去迪迪尼，真係有史以黎帶Little C最遠的一次﹗



出發啦﹗
從屯門老家搭西鐵去南昌，再由南昌去迪迪尼~

去那麼遠，當然無用揹帶，推BB車啦~
想不到的是，南昌站在非繁忙時間將一部lift節能.....
本意不是不好，只是要行遠少少

而且，今次再一次證明只要你是用家，便會發現社會上的公共設施、商場等，
其實有許多都唔係咁人性化﹗

用主流人的需要去想，
真係好唔friendly~


必影的位置，只因窗口是米老鼠型~




雖然唔知後面的雕像係咩，但一影無妨~
Little C的八字眉~ 哈哈，每次思考都係咁既樣~

呢日天朗氣清，一出站，真係曬到呢.....


係熱到死~ 原來果日係26.3度~
請睇睇出面何奇光猛
呢個冬天真係好怪，熱死同凍死都同時並存
好在果日替Little C著褲無著襪
排隊等填表時影~
Little C，你又望去邊？


係等待期間，Little C玩口水波~



快快手填好表後，等了一會便可以埋去放低1300個大洋
2張紅卡到手﹗

Little C，你好眼瞓咩？

入場後，大鄉里立即要搵服務中心拎襟章
呢張相，可見我係未修身架~
餵人奶都修唔到身，真係要豁出去~

在美國小鎮影相不久，已立即要求先醫飽我個肚﹗
餵人奶已令本來大食的我更加大食﹗
當日仲要無食早餐就出城
點會唔肚打鼓呢~

亦因為咁，食咗人生第一次係迪迪尼消費最貴的午膳~


當我們坐下不久，Little C已經扭肚餓
我們都帶了奶粉，但因為已經谷奶，索性挑戰第一次~
一面食飯，一面餵奶~
而我用的不是餵奶巾，只是披肩~

餵奶實況~
見到Little C的褲嗎？

其實呢條披肩唔係咁好，因為冬天款，總係好驚焗親Little C

Yeah，第一次出街淨餵媽媽奶成功﹗
我地兩個食飽飽後合照


大家食飽飽後，當然要搵迪迪尼公仔影相
係咁既天氣，我只求影到一張相就可以打道回府啦~


我們第一時間先去巴斯光年
本來淨係諗住影出面果隻巴斯就算
感恩剛好有真人版，當然同真人版合照啦~

天氣炎熱，我都替工作人員辛苦﹗

Little C已經無乜表情~

而我的生日襟章，係巴斯面前先有用
其實有襟章都唔見得有咩咁特別
我諗小朋友掛襟章就有用d~

影完相，我堅想走人，但老公話搵多個公仔影
於是向住灰熊山谷進發~


不過，灰熊山谷未去到，我已經決定搵d 陰d 的地方影張相算數~

我好鍾意呢頂帽，Little C好可愛呀~
呢頂帽本來係買黎影初生照用，但原來攝影師已經有好多道具
咁簡單的帽就無戴啦~
反而而家3個幾月，呢排天氣無咁凍密密戴~

影左幾張相，見Little C都好似頂唔順咁，立即走人~
真心覺得快走仲好，反正已買左紅卡嘛~



走返原路，老公話要影返張必影的景點相~
本來仲諗住set腳架，但真係太熱，最後母女二人合照便算~




雖然笑住影，但就快熱到溶~


附近原來又有公仔出黎同遊客影相，我們也姑且走去排隊
點知走去望下係咩公仔時，我們立即決定走人~

因為佢係白雪公主
要排咁多人，仲要無得遮陰，點排呀~


回到美國小鎮，老公話又要影多張景點照
好，我影~
點知.....

Little C已經無奈到玩口水波~
其實佢已經好攰，由出發到現在只係小睡左45分鐘咋~

玩口水，係一個signal俾我們知，佢真係好想瞓~


但一場黎到，點會影咁少丫~
 

White bat baby girl~
戴左呢頂帽，更顯Little C面珠都幾脹下~



影完後，我已急不及待找洗手間
本來唔多飲水的我，因為餵人奶，總提自己要多飲水
所以出現間歇性尿頻




爸爸將Little C放在BB車後，又喪影Little C

左上角果張好好笑~
玩到摸哂頭


但我好鍾意呢張~

食手食得好舒服~


到我去完洗手間，又同Little C玩一輪

係咪好好笑容呢~

Little C而家最鍾意有人同佢傾偈
唱下歌
做媽媽的我，絕對相信佢好認得我的歌聲
因為我試過淨唱第一句，佢已經立即有反應~

今次真係回程啦~
離開這個熱到死的迪迪尼
如果迪迪尼加返多點有蓋的地方會好好多
唔駛日曬雨淋得咁辛苦


 回程的鐵路上，仍然都要影返d特色相~

同米老鼠手挽合照~