一張相，遠勝千言萬語

見到咁，請問係咪無野好講呢~



我媽媽係Little C初生時，已好幾次話Little C同我一樣樣

但99總係講Little C同我老公好似樣，甚至第一次帶Little C回娘家時，翌日被99問：親家係咪都話Little C同你老公好似樣？

事由當時我已經被99講左好幾次

最後忍住講句：算啦，似邊個都好啦，咪又係我地兩個生~

99聽完笑笑口話：咁又係~


其實99成日講令我幾唔開心，終於上星期日回娘家食飯時，媽媽終於摷返我滿月張相，一睇忍不住高呼：嘩﹗真係好似樣呀﹗


二話不說，當晚係FB post呢張相~ 好多人即刻like~  雖然like唔代表咩

但我當堂順返條氣~

Little C 新車

在我準備復工前，99話想放一架BB車在她處，加上上次帶Little C見littleball時，已經對Chicco Simplicity的表現麻麻地~

於是，我把心一橫，決定買多架BB車~

雖然曾經對戰友果架都有興趣，但因為我哋無車，估唔到兜兜轉轉，最後情歸P3

因為剛好有人放二手，兼好新淨呢~

其實買二手BB車仲有段故架，不過過左去就算，而家好好丫~

100日

Little C在上星期五100日大了﹗

我們在上星期六在酒樓擺百日宴

沒有做任何佈置....  因為都只是平常的一頓飯~

不過，星期四那天上班時，媽媽經過美心看見這個大賣廣告的彩虹蛋糕，現在訂有85折 雖然只有standard size，但有都好過無~

1磅裝，夠我們一家三口慶祝了﹗


Little C：爸爸媽媽，呢個係咩黎架？



Little C：原來係彩虹蛋糕~ 正正~




Little C：我100日大啦﹗好想食蛋糕

Little C：多謝媽媽~

全家福~
Little C做咩淨望住個蛋糕呀？

Little C：我真係好肚餓呀，我有得食未呀？
媽媽：我食左個蛋糕，你咪有得食囉~

回顧泵奶小成就

人奶路真的不易行，還記得出院第二日已經谷成上心口，搵同事趕忙買卵磷脂救命先，第二日叫老公飛去買通乳寶，才慢慢減低谷的範圍

可惜，因為自己的無知，無留意原來唔食得木耳，坐月期間應該因為食木耳，飲木耳湯而收左d奶~


我曾經試過用freestyle泵奶，但唔知點解泵唔到，所以一直都係埋身餵

後來大學同學來我家教我用她的mini electric，才真的泵到奶，但freestyle仍然係泵唔到，甚至令我懷疑我的freestyle出師未捷身先死

幸好後來死心不息再試用，終於證實唔係，但為何之前泵唔出，可能未上得好掛~

而因為我係窮媽媽，恆常泵兩邊都只有20ml，所以一多過20ml，即係有新高的話，就一定會影相留念﹗

係好無聊，但又真係好實在咁反映窮媽的心~

聖誕節當日，一見到兩邊各有70ml，真係超級興奮﹗而且，呢日仲係Little C第一晚自己戒夜奶~ 雙重聖誕禮物﹗Yeah~

現在返工後，泵到最多每邊30ml，基於有新鮮奶總好過冰奶的原則下，而且Little C食奶餐數已經得返5餐，而我又只係餵到朝早同夜晚一餐，變相返工泵到既，全部用黎餵夜晚果餐，咁都有一餐係全人奶既~

希望繼續穩定地泵，奶量又再逐步提升啦﹗




人奶媽媽們，我們要繼續加油呀﹗﹗

泵泵泵

2/1/13 正式返工啦~ 點知SL，因為由29/12起起感冒，點都唔清，最後只好拎SL

3/1/13 真係返工，亦開始拎泵機、冰袋，一抽二袋咁返工，仲要計漏時間，送Little C去奶奶度後，自己無食飯時間就趕返工，出左去開會無時間，無機會泵奶....

4/1/13 又SL，因為醫療卡的醫生開的藥唔係好得，我又唔想再係咁戴口罩 (我已經成個星期戴啦，沖涼時Little C見我咁仲要喊.....)，所以去返睇開的醫生，食左一次藥掂呀﹗

回歸正題，昨日第一日正式返工兼做泵媽，真係好唔容易﹗超唔容易﹗唔知點搞好~

好在Creamy的回應令我重新上路，無錯﹗有好多媽媽默默耕耘中﹗

昨日返1.30，Little C埋身11.00，我只係6.15晚飯時間先可以去泵，仲要原本諗好的地方都俾人坐左，迫不得已去左interview room，仲要不時擔心阻住同事見walk in......

泵媽真係好唔易﹗

再加上一返工，上司同我講年廿九至年初三的4日3夜露營無人頂到我，要我去返....

主呀﹗我點泵奶？

本身已經係窮媽媽，我唔想咁快收奶囉..........


荒山野嶺，倒左佢就預左，但苦在諗唔到點泵奶.......

成為我昨日返工，全日最苦惱的一件事~


泵媽真係好唔簡單.......

Little C 愛沖涼~

Little C很愛沖涼，當然初生時一掂水就大喊，但漸漸每次沖涼都好冷靜兼笑出聲~

後來有一天我和老公襯機會替她影返輯浴照﹗

笑到呢... 我成日同佢講：你想引死人咩~

賀波哥3個月大 ^^

還記得寫Yahoo blog緣起是籌備婚禮，過程中認識了Sasa，因大家都分開2日搞婚禮，同租Vanesse L同大舞臺，真係巧合到無人有﹗

當然還因此發現友人的未婚妻，原來有寫blog﹗

有部份blogger比較熟，也多看他們的blog，但我相對少活躍，同Sasa都只是見了一、兩次 (我係超級唔活躍... 哈哈)

但最奇妙的是，blogger Ball Ball 係搞婚禮時都唔算好熟，但佢好好人分享了她的結婚請帖俾我留念 (我好鍾意架﹗)

自從去年2月起，我們就突然多左聯絡，仲成為戰友﹗

因為我們的身份成為了準媽媽，預產期只係差2星期﹗想不到的是，2個bb出世真係差2星期呀﹗

我們一齊去BB展，果時litteball已經好有肉地，我同Ball Ball的肚明明只差2星期，但俾人誤會差唔知幾多個月~

我們一齊去sogo thankful week，唔係為LC，而係為Nature Pureset﹗

我們一齊交換Amazon的消息，分別買左同款但唔同色的diaper stacker

仲有，我們分別唔同時間買床仔，點知大家都係買0/3 Nicole Mini，不過佢係白色，我係原木色﹗

由懷孕起，littleball同Little C已經有好多物品係一樣架﹗

我們連奶粉都一樣添~ 哈哈~


昨日係Littleball3個月大的日子，呢個安全線咁重要，Little C梗係要去賀一賀佢啦﹗

而我亦都係第二次帶Little C去遠離屯門，今次去到紅磡﹗不過有少少lei hea，因為我們食tea的地方，竟然唔方便媽媽們推bb車﹗

辛苦圓圓，幫我抬上抬落~

Littleball，你真係好肥美呀﹗令ee流口水呀~ 好掛住你~